LI DERDORA KOBANÊ ARTÊŞA TIRK BI ÇEKÊN GIRAN ÊRIŞÎ GUNDÊN KURDAN DIKE

20 December 2016 12:19 pm 108 Views

RIHAB NEWS – R N A

Navenda Ragihandina YPGʹê diyar kir ku artêşa Tirk duh malên sivîlan ên li gundên ser sînor û çeperên şervanên YPGʹê yên li rojhilat û rojavayê Kobanê gulebaran kirine.

Navenda Ragihandina Yekîneyên Parastina Gel (YPG) daxuyaniyek nivîskî weşand, diyar kir ku êrîşên arteşa Tirk a li dijî xaka Rojava bi dijwarî berdewam dike û got; “Di çarçoveya van êrîşan de roja 18ʹê Kanûnê arteşa Tirk li ser xeta sînor a rojhilat û rojavayê Kobanê êrîşên cur bi cur pêk anîn.”

“Di saetên sibehê de arteşa Tirk bi çekên navîn û çekên giran gundên bi navê Yabse, Kuran, Tilxandrê û Kurtek ên dikevin rojhilatê Kobanê kirin hedef û bêserûber li ser malên welatiyan û çeperên hêzên me gule reşandin.

Di heman rojê ber bi êvarî ve balafirek keşfê ya bêmirov a artêşa Tirk li ser gundê Ziyaret û xeta sînor a rojavayê Kobanê geriya û hewl da cihê çeperên hêzên me zelal bike.

Heman şevê saet navbera 23.00 û 24.00’an jî artêşa Tirk bi çekên giran êrîş birin li ser gundên Sitefke û TilŞair ên dikevin rojavayê Kobanê.”