PIRTÛKÊN KURDÎ DI SALA 2015 AN DE

17 January 2016 9:27 pm 335 Views

Cemil Oguz

Ev nêzî 10 salan e ez her sal vê lîsteyê amade dikim. Li gor îstatîstîkên min par (2014) yekem car pirtûkên ku bi kurdî li Tirkiye û Bakur derketin 250 hebî derbas kiribûn. Navên pirtûkên ku îsal (2015) di lîsteyê de cih girtine 232 heb in, lê mimkûn e sedî 5 herî zêde 10 kêmasiyek di lîsteyê de hebe. Çend sedemên wê hene xemsariya weşanxaneyên kurd e ku ji bo amadekirina lîsteyê alîkariyek germ nekirin (Ger derfet hebe ezê nîvîsek taybet li ser vê lêbikim)

Ji lîsteyê hin notên min bi vî rengî ne:

– Wekî gelek salên din îsal dîsa herî zêde helbestk hatine weşandin: 46 pirtûkên helbestan. Bi rêzê roman (43 heb) û çîrok (30 heb) cih digirin. Divê em bibêjin ku 7 ferhengên cuda îsal hatine çapkirin, her wiha 5-6 pirtûk jî li ser şano û dîroka şanoyê cihê xwe girtine.

– Çiya û zindan her diçe keda xwe ya di nav pirtûkxaneya kurdî de zêdetir dike. Di vî warî de Weşanên Aram 9 pirtûk (bîranîn-roman) weşandine, Weşanên J&J 12 pirtûkên nivîskarên ku girtîne weşandine.

– Weşanên Avestayê ji salên borî ve dest pê kiriye pirtûkên Firat Cewerî yên berê li Ewropayê hatibûn çapkirin dîsa çap dike. Îsal ji van 4-5 hebek çap kirine. Ji bilî vê, Adar Jiyan (J&J), Emerîkê Serdar (Lîs) û Medenî Ferho (Do) 3 pirtûkan di nav kesên herî zêde pirtûk çap kirine de cih digirin.

– Hîva weşanxaneyek e ku tenê pirtûkên zarokan çap dike ku îsal bi 15 heban di nav lîsteya me de cih giritye. Û Nûbiharê jî îsal di vî warî de gavek mezin avêtiye û 10 pirtûk bi pênûsa Seyhan Karakoç û Xêzên Mahmut Karakoç pêşkêşî zarokan kiriye.

– Ji weşanxaneyên ku giraniya wan li kurmanckî (zazakî) ye Weşanên Vate îsal 6, Weşanên Roşna 5 pirtûkên bi kirmanckî çap kirine. Li gor salek berê di her duyan de jî kêçapkerinek xwe nîşan dide. Ji bilî van di nav weşanên din de jî yek-du pirtûkên bi kirmanckî çap bûne lê kêm in. Ger em lîsteya îsal wekî 250 hebî qebûl bikin hejmara kirmanckî di nav vê de encax bigihê sedî 10’î.

– Weşanên Ayrinti weşanxaneyek tirk e lê îsal bi navê “Pirtûkên Zer” rêzeyek çêkirine. Di vê rêzeyê de pirtûkên nivîskarên kurd ên bi zimanên biyanî dinivîsin hem werdigerînin tirkî, hem kurdî. Ev jî wekî xalek cuda cihê xwe di nav lîsteyê de girt. Ji weşanên tirk Evrensel ku her sal bi kurdî pirtûkan çap dike, îsal jî çap kirine lê li gor par hejmar gelek hindik bûye.

– Li gor par û pêrar hin weşanxaneyan qet pirtûkên bi kurdî çap nekirine, hinan dest ji weşangerî berdaye (ji ber bi awayekî fermî eşkerekirin nîn e, ez naxwazim nav birim), hinan bernedaye lê bi kurdî çap nekirine.

– Beramberî vê weşanxaneyên ku hewldana xwe qet kêm nakin jî hene. Ku ji van Avesta, Lîs, J&J û Nûbihar bi ser 20’î re pirtûk çap kirine ku malavayî heq dikin.

– Pitûkên ku Şaredariyên DBP’ê çap kinine di nav vê lîsteyê de cih negirtin ji ber ku min nikarî saz bikim. Her wiha pirtûkên hin zanîngehan jî. Belkî mirov dikare vê wekî kêmasiya lîsteyê bihesibîne, lê ev jî heye weşanxane di heman demê de karek ticarî (bazirganî) ye lê xebatên şaredariyan ji bazirganî wêdetir tenê xizmet e.

Bi xêr û guhenên xwe vaye lîsteya pirtûkên bi kurdî ya sala 2015’an:

AR:

1- Piling / Menaf Osman/ Roman

2- Heco / Şoreş Reşî/ Roman

3- Bextê Dagirkirî/ Fergîn Melîk AYKOÇ/ Roman

4- Silavgeha Tozê/ Zîwer HETMAN /Helbest

Related Posts